مؤتمر أدباء مصر .. إلي متي يا بورسعيد ؟!!!

مؤتمر أدباء مصر بالأسكندرية .. مبروك لكل أدباء مصر / وميروك لكل الأساتذه البورسعيدين ممن سيشرف بهم المؤتمر .. طبعا وهو فيه أحسن من البورسعيدية في المؤتمر بتاع مصر ؟!! بالطبع لا والف لا , دول الادباء اللي بيروحوا كل سنه ضيوف علي المؤتمر من أيام ستنا كنبه .. يعني مفيش أديب في المؤتمر ده راح قد دول ما راحوا ولا اتضايف قد دول ما اتضايفوا يبقي مين احسن منهم ؟؟!!
بورسعيد كانت ولا تزال وسوف تستمر علي نفس الحال .. انصاف مبدعين ومدعيين أدب بس يصرخوا في وش الجديد ويتهموه بالخروج علي المبادئ وعلي الاعراف وعلي التقاليد واي كلام يا عبد السلام مش علي هواهم يبقي وحش .. وبعدين يقولوا نهضه الادب في بورسعيد .. ياخي ده ده , ابقوا قابلوني علي قهوة خبيني يا معلمين ...
انا اراهن اني اعرف ادباء المؤتمر وضيوفه اكثر من ادبائنا الكرام اللي شايلين الشنط وشاحذين الهمم ورايحين علي اسكندرية في عز الشتا عشان طبعا الادب وسنينه

÷هههههههههههههههههههههههه معاك بس من غير شتيمة

[b] الله يكرمك يا نورا .. كلنا محتاجين ندعن لعض لان الموضوع زاد عن الحد .. يا نورا الادب مش مؤتمرات وعزومات اكل وشنط كتب وكتابه شبه اهرامات الجيزه .. الكتابه فن وفكر مش لسان وقلم حبر , يه عزيزتي الادب في بورسعيد اصبح انفلونزا خنازير وقصور الثقافة اصبحت مؤسسات لللعب مع الكبار يعني شيلوا المجلس ده حطوا المجلس دكهوا المجلس ده يقول محناش لاعبين قوم المجلس دوكهوا ياخد كورته ويلعب عند بيتهم .. المؤسسة تدار من المقاهي والموبايلات يا بنتي هو ده ادب ده؟ مجلس الثقافة البورسعيدي الجديد شال المجلس القديم .. وبعدين هم فين؟ بيظهروا في المؤتمرات بس؟!!!!!!!!! عمار يا بورسعيد وهنيالنا زيارة الريس بلا ادب بلا عجوه

[b] يا سما العزيزه انا احييك انت ونورا علي حماسكم واهتمامكم بكل ما هو ادبي والسعي نحو الذهاب اليه .. لكن انا لست معك في الّا نتغني بمصر لان مصر ارضنا وبلدنا , وهذه الارض اخرجت عقول جيده علي مر عصورها ولا ذنب لها ابدا فيما يحدث الان العيب في الناس مش في الارض يا فتاة .. مجتمع عقيم فكريا ومتخلف اجتماعيا وثقافيا ورخيص في نفسه , ربما جمعنا في القريب ماتش كوره !!! اه كلنا وقفنا واثبتنا مصريتنا ولكن هبط كل شيء فجأة مثلما اشتعل فجأة .. مجتمع يسترخص نفسه واهله وشعبه تتصوري ان يتقدم .. انا احييك ان استوعبت فكره ان الشباب ( مضحوك ) عليهم من جيل ربما هو الاسوأ في تاريخ مصر كلها ,, لكن المفروض ان جيلنا وخصوصا من يستوعبون هذه الفكره , من المفروض ان يغير ذلك .. تكلمي في افكارك مع غيرك ربما تتغير افكارهم التي لفقها لهم جيل لا ثقافي ولا ثوري ولا اي شيء الا لسان اعتراض فقط .. تتصوري يا سما ان هناك اشخاص - مثل من معي في العمل مثلا - يسمون الثقافة هبل وشذوذ !!!!
وان افكار السياسه والاقتصاد كلام هبل ونخع !! جيلنا مظلوم من تسميم افكاره واحباط اعماله
الدليل ان مجتمع صغير مثل بورسعيد يذهب كل عام الي مؤتمر ادباء مصر بنفس الناس منذ 15 عام مثلا !!!!! بلد يشتم الحكومه ليل نهار ثم يعلق لافتات الترحيب بها في كل الشوارع !!! هذا جيل صنعه انقلاب عسكري سموه ثوره وفوز مسطح سموه اعجاز وعقم فكري سموه تقاليد واعراف !!!!
لكن انا عندي امل صدقيني طالما هناك عقول جيده ولو قليلة .. غير مطلوب ان يكون الجميع مفكرين لكن فقط مطلوب من المفكرين ان يتكلموا ومن غيرهم ان يسمعوا وان شاء الله الي الامام
اشكر مرورك الكريم

[color=darkblue] الشاعر والصديق : محمد عبد الهادى

أعلم غيرتك على واقع الأدب فى بورسعيد جيدا ، لكن بدورى لا أتفق معك فى طريقة طرح الأزمة بهذا الشك
قد نتفق معهم قليلا أو كثيرا
أو نختلف معهم قليلا أو كثيرا
لكن علينا فى النهاية أن نمسك أعصابنا وأن نجادل بالتى هى أحسن
من سافر فى النهاية أدباء بورسعيديون
ولا أنكر حزنى أنى لم أجد أديبا شابا واحدا سافر
وأنت تعلم هذا جيدا
لكن فى النهاية نتحاور ونتناقش دون أن نقلب الطاولة أو نتعرض لأحد[/color

صديقي العزيز نزار
هذه هي مشكلتك يا صديقي : لابد ان نهادن ونتكلم علي ترابيزة مفاوضات وبالعقل وبصوت الحكمة الي اخره
يا عزيزي ما اخذ بالقوة لا يسترد بغير القوة
ثم ادباء بورسعيد ايه يا سيدي ؟!! انه ادباء دول ؟!!
باقول ايه يا نزار انت لك وجهة نظر وانا لي وجهة نظر ..انا احترم رايك واتركك تهادن وتتكلم بمنتهي القسوة الرقيقة
لكن انا لا, ويجب ان تحترم وجهات نظري يا صديقي انا في الحق بسيف خالد .. والحمد لله ليس لي اي خلفيات عدائية مع احد من من تسميهم ادباء بورسعيد ولا اسعي للطبع في اروقة الثقافة المعفنة ولا اجري وراء المؤتمرات والذي منه لانني اعرف ادباء مصر اكثر من تواجدي معهم في مؤتمر .. يعني ليس لكلامي اي خلاف شخصي ولا مطامع شخصيه انا فقط اقول الحق ولو علي رقبة ابي
انتم نااااااااائمون في العسل يا معلم
عموما يبقي فقط اني احترمك واقدرك وربما اقدر البعض منهم ايضا وابجلهم مثل قاسم عليوه او المغربي والباني وعبد القادر
من يرضي بغير الحق يا نزار هو شيطان اخرس .. خلي المفاوضات لفلسطين واسرائيل !! وابقي قابلني في قهوة مضيع
عموما اللهم بلغت انكم ساقطون ادبيا اللهم فاشهد عليهم